Bajrush Ymeri i kënaqur me masivizimin e LDK-së në teren

Gjilan – LDK në Artanë ka arritur të mbajë zgjedhjet edhe në Pasjak e Stanishor derisa kryetar të këtyre dy nëndegëve janë zgjedhur Florim Bislimi dhe Shkurte Ahmeti. Bajrush Ymeri tha se është i kënaqur me interesimin e qytetareve dhe masovizimin e treguar në teren për LDK.

LDK e Artanës po e rrumbullakëson zgjedhjen e nëndegëve në teren. Bajrush Ymeri që udhëheq LDK në këtë komunë thotë se është i kënaqur me interesimin e qytetarëve për të qenë pjesë e LDK-së. “Vërtet ndihem i lumtur që kudo që kam shkuar në teren kam vërejtur një interesim të madh dhe një masivizim për LDK” tha Ymeri.

Ymeri thotë se ky interesim për LDK e bënë atë dhe krejt kryesinë e këtij subjekti më të përgjegjshëm dhe më të angazhuar.

Ndryshe në dy nëndegët në Pasjak dhe Stanishor janë zgjedhur kryesitë e nëndegëve dhe janë propozuar delegatët për kuvend të degës. Kryetar i nëndegës në Pasjak është zgjedhur Florim Bislimi ndërsa në Stanishor kryetare e nëndegës u zgjodh Shkurte Ahmet./rajonipress/