Bajrush Ymeri: E di që me Arbrin, Gjilani do të jetë ndryshe

Gjilan – Prandaj ju them edhe një herë: më 9 nëntor, të gjithë së bashku ta votojmë Arbrin sepse Gjilani do te jetë me fat ta ketë Arbrin kryetar ka shkruar Bajrush Ymeri.

Postimi i plotë:

Me Arbër Ismajlin njihemi moti, qysh si i ri kur u angazhua në LDK. Një arsye më shumë që u njoftuam ka qenë edhe fakti që babën e tij, profesorin Ruzhdi, e kam pasur kujdestar klase.

Duke e njohur Arbrin më mirë edhe që nga koha kur ishte shef kabineti, e më pas nënkryetar i Gjilanit, por edhe familjen e tij të nderuar, jam i bindur se ai është kandidati më i mirë për kryetar të Gjilanit.

Të gjithë ju, miq, shokë e familjarë që po e lexoni këtë postim, ju ftoj sinqerisht të më besoni dhe ta votoni Arbrin. Unë nuk shkruaj e as nuk flas mirë për dikë që nuk e meriton.
Unë personalisht kam besim të plotë në Arbrin, njësoj siç kam besim në vetën time.

Arbri është ky që është dhe kështu do të mbetet gjithmonë: një prind i mirë, një biznesmen i suksesshëm, i afërt me njerëzit dhe me shumë vlera që i duhen një kryetari të mirë.

Edhe ju miqtë e mi që vini nga parti të tjera, këtë herë më besoni mua dhe votoni Arbrin për kryetar.

Pas katër viteve do të bindeni vetë dhe do të ma ktheni këtë besim me një “faleminderit”, sepse e di që me Arbrin, Gjilani do të jetë ndryshe.

Prandaj ju them edhe një herë: më 9 nëntor, të gjithë së bashku ta votojmë Arbrin sepse Gjilani do te jetë me fat ta ketë Arbrin kryetar!