Bajrush Ymeri bindshëm fiton për kryetar të LDK-së në Artanë

Gjilan – Bajrush Ymeri edhe njëherë u dëshmua se ka përkrahje të madhe nga elektorati i LDK-së në Artanë. Të gjithë delegatët e pranishëm i kanë dhënë besimin që të udhëheq LDK edhe për një mandatë katër vjeçar.

Dega e LDK-së në Artanë të dielën ka mbajtur kuvendin zgjedhor të degës dhe me këtë rast ka zgjedhur Kryetarin e degës dhe Kryesin e degës.

Me 96 vota për sa ishin prezent delegatë të degës Bajrush Ymeri sërish ka marrë besimin që edhe për një mandat të ardhshëm katër vjeçar me udhëheqë me degën e LDK-së në Artanë.

Ymeri me këtë rasti ka falënderuar të gjithë për pjesëmarrje dhe besimin që ia kanë dhënë atij dhe kryesisë së degës. “Ju premtojë tani dhe po ashtu edhe sot jam betuar para delegatëve të kuvendit të degës që edhe gjatë këtij mandati do të mundohemi edhe më shumë në të mirë të qytetarëve tanë. LDK në Artanë ka qenë, është dhe do të jetë edhe në ardhmen subjekti më serioz e cila respekton rregullat demokratike duke mbajtur zgjedhje dhe me pjesëmarrje masovike zgjedh strukturat e saja. Kjo u dëshmua edhe gjatë këtyre zgjedhjeve nëpër të cilat kemi kaluar gjatë këtyre ditëve dhe po ashtu edhe në kuvendin e sotshëm zgjedhor” tha Ymeri./rajonipress/