Bajrami: Zgjedhjet parlamentare më 2018

PDK’ja i qëndron marrëveshjes së koalicionit me LDK’në dhe në këtë drejtim nuk ka asnjë ndryshim politik, thotë Bajrami.

Nënkryetari i PDK’së Arsim Bajrami, ka hedhur poshtë mundësinë e zgjerimit të koalicionit qeverisës PDK-LDK. Ai ka thënë se aktualisht nuk ka asnjë ndryshim politik dhe, sipas tij, PDK’ja i qëndron marrëveshjes së koalicionit me LDK’në.

Në një intervistë për ‘Epokën e Re’, Bajrami ka theksuar se koalicioni qeverisës është duke funksionuar mirë dhe nuk ka arsye për zgjedhje të parakohshme.

Ai ka theksuar se zgjedhjet parlamentare do të mbahen më 2018.

Kurse sa i përket demarkacionit me Malin e Zi, Bajrami ka thënë se dy partitë në koalicion duhet të koordinohen dhe të kenë një përgjegjësi të përbashkët karshi këtij procesi.

Ai ka theksuar se çështja e demarkacionit është në duart e deputetëve të Kuvendit të Kosovës.