Bajram Kosumi zgjidhet rektor i Universitetit të Gjilanit “Kadri Zeka”

Gjilan – Këshilli Drejtues i Universitetit të Gjilanit “Kadri Zeka” në mbledhjen e mbajtur sot në ambientet e Universitetit, ka zgjedhur, Bajram Kosumin, rektor të Universitetit të Gjilanit “Kadri Zeka”.

Në garë për këtë vend kishin konkurruar edhe Skender Muji, Jonuz Dërvodelli dhe Naim Syla.

Sipas statutit të Universitetit të Gjilanit “Kadri Zeka” dhe rregullores së Këshillit Drejtues të UKZ-së, rektorin e zgjedh Këshilli Drejtues nga lista e kandidatëve të propozuar nga komisioni profesional, i emëruar nga Këshilli Drejtues. Rektori është zgjedhur duke marr shumicën e votave të anëtarëve të përgjithshëm në pajtim me dispozitat e këtij statuti./rajonipress/