Bahri Goga sot do të mbushte 70 vite, familja me dedikim prekës për doajenin e shëndetësisë kosovare

Gjilan – Sot me 10 qershor do të duhej të festonim ditëlindjen tënde të 70-të e të gëzoheshim e gjithë familja ashtu së bashku. Të kemi humbur vetëm fizikisht sepse për mua si bashkëshorte, për djemtë, vajzat, nipat e rejat e tërë farefisin, që të kanë njohur e dashur, do të mbetesh përherë në kujtimet tona të thella, si një kryefamiljar i dashur e i sinqertë, si një prind e gjysh i kujdesshëm dhe i respektuar thuhet në reagimin e familjes.

Postimi i plotë i Miradije Goga:
Ikja jote na ka lënë zbrastësira të shumta në familje, por jemi shumë krenar që edhe pas vdekjes emri yt përmendet gjithkund, në institucione shëndetësore, përherë miq e koleg tuaj e përkujtojnë rolin dhe kontributin tendë të pamohueshëm në shëndetësinë kosovare dhe atë ferizajase.

Sot kur do të duhej të ishim bashke si një sofër e madhe, na mbetet kujtimi dhe dëshira jote e madhe për të edukuar e shkolluar fëmijët. Me shumë sakrifica ia dole dhe ia dolëm të kemi katër mjek në familje, secili më i zoti se tjetri.

Pusho i qetë Bahri Goga, emblema e familjes, e ne do të kujtojmë gjithmonë në çdo ditëlindje e ditë vdekje me respektin përulës për figurën tënde madhore.
Ndryshe, Bahri Goga ky emër emblematik për shëndetësinë kosovare, ky emër po ashtu plotë humanizëm, vullnet, e shumë përgjegjësi për veprat e mira që ka lënë pas, është ndarë vetëm fizikisht në janar të vitit 2024.

Bahri Goga u nda vetëm fizikisht nga kjo botë sepse për të dhe shëmbëlltyrën e tij do të flasin breza e breza.

Jetoj ndershmërisht me shumë motiv për të ndihmuar e përkrahur gjeneratat e reja. Një prind dhe kryefamiljar i mrekullueshëm, një mjek sa profesionist aq edhe human dhe ndër të parët në Kosovë në fushën e neuropsikiatrisë.

“Ai ishte fisnik në profesionin e tij, shpirt human e solidar i pashoq, shëmbëlltyrë e përkushtimit profesional, kujtim e vepër kjo që do të mbetet e pashlyeshme ndër breza të ferizajasve” ksihte deklaruar Agim Aliu./rajonipress/