Babë e birë gjuajnë me armë në ahengun familjar, u del punë me policinë

Gjilan – Në rrugën “Mumin Beqiri” në Gjilan Policia e Kosovës është njoftuar se gjatë një ahengu familjar i dyshuari shqiptar ka shkrepur disa fishekë me armë të zjarrit (pistoletë me gas), pas kësaj edhe djali i tij ka shkrepur po ashtu disa fishekë me po të njëjtën armë të zjarrit model “Ecol” të kalibrit 9 mm.

Me urdhër të gjyqtarit të procedurës paraprake është bastisur shtëpia e të dyshuarit ku janë gjetur një pistoletë gjegjësisht i dyshuari e ka pranuar se e posedon një pistoletë me gaz model “Ecol Jackal dual Compact”, kalibër 9 mm, ku edhe është konfiskuar. Dy të dyshuarit janë intervistuar në prezencën e avokatit.

Me urdhër të prokurorit, rasti me procedurë të rregullt procedohet në gjykatë.

Ndryshe rasti është zbuluar të enjten pas disa informatave që ka pasur policia përmes rrugëve operative tha Ismet Hashani./rajonipress/