Babai 70 vjeç vret djalin: Donte të më helmonte
RajoniPress
08:54, 10 Qershor, 2015
Një ngjarje e rëndë ka ndodhur në fshatin Paulesh në Peqin, ku babai ka vrarë me armë zjarri djalin e tij brenda në banesë.Nga të dhënat e para mësohet se 70-vjeçari Ismail Bahja ka qëlluar me pistoletë ndaj djalit të tij Elton Bahja 33 vjeç.
Policia pasi ka shkuar në vendngjarje ka vënë në pranga edhe 70-vjeçarin, duke shoqëruar edhe bashkëshorten e tij për ta marrë në pyetje për rrethanat e ngjarjes.
Në polici 70-vjeçari Ismail Bahja ka pranuar vrasjen duke deklaruar se e kishte kryer këtë akt tragjik pasi sipas tij djali i tij 33-vjeçari Elton Bahja donte të helmonte atë dhe bashkëshorten e tij.
