Azerbejxhan nderon Agollin

Mbrojtësi i Kombëtares shqiptare, Ansi Agolli është nderuar me çmimin “Lojtari i Huaj Më i Mirë i Vitit” në Azerbajxhan.

Mbrojtësi i Qarabag, Ansi Agolli është vlerësuar nga Federata e Futbollit të Azerbajxhanit për paraqitjet e tij gjatë këtij viti që po lëmë pas.

Qarabag renditet në vendin e parë në kampionat, ndërsa pati një ecuri pozitive në Europa League.

“Jam i nderuar që sot mora çmimin Lojtari i Huaj Më i Mirë i Vitit. E vërteta është që, që nga dita e parë tek Qarabag-u, asnjëherë nuk e kam ndier veten të huaj, kjo falë trajnerit Gurban, pjesëtarëve të klubit, shokëve të skuadrës dhe sigurisht tifozëve! Ata më bëjnë të ndihem sikur luaj çdo ndeshje në shtëpi, edhe pse jam larg saj. Dua ta ndaj këtë çmim me gjithë këta njerëz. Falënderoj gjithashtu të gjithë gazetarët që janë këtu sot, dhe ata që votuan për mua”, ka shkruar Agolli në Facebook. /Express/