Azemi: Komuna pagoi 13.860 euro për ta rrënuar shtëpinë e destinuar donacion për një familje skamnore

Gjilan – Aq të zot janë sa që Komuna e Gjilanit pos që i humbi 80 mijë euro të holla nga mërgimtari me dedikim për një familje skamnore, iu desh të humb edhe 13.860 euro për ta rrënuar objektin. Ky është përfitim jo proporcional dhe unë si avokat do të ushtrojë padi për keqpërdorim të buxhetit komunal shprehet Azemi.

Kontributin e mërgimtarit Ruzhdi Shabani në vlerë të 80 mijë eurove, Komuna e Gjilanit e bëri rrafsh me tokë brenda pak minutave. Komuna pos që e dëmtoi një mërgimtar dhe e la rrugëve një familje nevojtare, ajo edhe keqpërdori buxhetin komunal.

Halit Azemi avokat i Ruzhdi Shabanit tha për rajonipress se kjo çka po ndodhë me Komunën e Gjilanit vërtet është skandaloze.”Komuna i shpenzoi edhe 13.860 euro për ta rrënuar shtëpinë, një përfitim jo proporcional i komunës dhe kompanisë. Kemi dëmtim të buxhetit dhe keqpërdorim të pozitës apo autoritetit zyrtar” shprehet Azemi.

Azemi tha se do të padisë komunën e Gjilanit dhe kompaninë për këtë keqpërdorim flagrant të parasë publike./rajonipress/