Avokati serb Stojkoviq: Sanduloviq më ka thënë se e kanë rrahur serbë të Kosovës, indikacionet shkojnë te Radoiçiq
RajoniPress
21:58, 18 Janar, 2024
| 3 muaj më parë
Avokati serb, Çedomir Stojkoviq, në “Debat Plus”, ka deklaruar se klienti i tij, Nikolla Sanduloviq, i ka treguar se në torturimin e tij kanë marrë pjesë serbë lokal të Kosovës.
Ai tha se Sanduloviq do të flasë vetë për këtë çështje, por sipas informatave që ai ia ka dhënë, pjesë e torturimit të tij mund të ketë qenë edhe Millan Radoiçiq.
Një fëmijë katër vjeçar nga Strumica është në gjendje të rëndë pas një sulmi fizikNdalimi i përdorimit të dinarit serb në Kosovë, Bislimi sqaron rregulloren e re të BQK-sëTrafiku Urban me rregulla të reja për ndarjen e ulëseve në autobusëTrajtimi me qeliza staminale – revolucion në mjekësi dhe sportDashtevski: Do të ishte mirë të kompletohet përbërja e KSHZ-së
“Sanduloviq më ka thënë se sipas theksit të njerëzve ka njohur serbë të Kosovës. Këta janë serbë të cilët janë klane që udhëheq Radoiciqi. I ka identifikuar disa, disa i ka njohur, këtë do ta thotë ai”
“Disa i ka njohur, disa nuk ka mbajtur maska, të tjerët kishin vendosur maska. Besoj kur do shërohet do shpalos fakte për këtë. Edhe unë i njoh, por mendoj se ai duhet t’i shpalos”
“Sipas asaj që më ka thënë Sanduloviq, kjo dërgon te ajo [te Radoiçiqi]”, tha ai.
Avokati serb që vizitoi varrezat e Jasharëve: Është në interes të Serbisë që të njoh Pavarësinë e Kosovës
Avokati serb, Çedomir Stojkoviq, vendosi lule mbi varrin e Blerina Jasharit në kompleksin memorial “Adem Jashari” në Prekaz. Ai tha se askush “nuk do të na pengojë të ecim në rrugën e pajtimit, paqes, solidaritetit dhe drejtësisë”.
Blerina ishte 7-vjeçare kur u vra nga forcat serbe në vitin 1998.
Bashkë me Blerinën, nga forcat serbe u vranë edhe më shumë se 50 anëtarë të tjerë të familjes Jashari, në mesin e tyre edhe komandanti legjendar i UÇK-së, Adem Jashari.
Stojkoviq, shtetas i Serbisë, është avokat i politikanit opozitar në Serbi, Nikolla Sandulloviq, i cili u arrestua më 3 janar 2024, pak kohë pasi publikoi fotografi nga kompleksi memorial në Prekaz.
Ai u arrestua nën dyshimet “se ka kryer vepër penale të nxitjes së urrejtjes dhe mosdurimit kombëtar, racor dhe fetar”. Ndërkohë ai u lirua, por iu konfiskua pasaporta.
