Avokado e dobishme për largimin e kolesterinës së keqe

Ngrënia e një molle në ditë e mban mjekun larg, por konsumimi i një avokadoje në ditë, mund të ndihmoj në zvogëlimin e nivelit të kolesterinës së keqe në gjak. Kështu ka konstatuar një studim i ri i kryer në Universitetin e Pennsylvanias.

Ky hulumtim është i mirëpritur nga gjeneratat e reja, duke iu ndihmuar ta arsyetojnë konsumimin e madh të avokados, gjoja për shkaqe shëndetësore.

E dimë se ekzistojnë dy lloje të kolesterinës: HDL (lipoproteina me densitet të lartë), që është diçka e mirë për organizmin dhe (lipoproteina me densitet të ulët), që është e keqe për shëndetin e njeriut.

Lipoproteina me densitet të lartë lidhet me zvogëlimin e rrezikut të prekjes nga disa sëmundje të ndryshme, dhe në fakt ndihmon në largimin e lipoproteinës me densitet të ulët nga gjaku.

Lipoproteina me densitet të ulët apo LDL, është e dëmshme nëse mblidhet në gjak, pasi mund t’i ngushtojë rrugët e kalimit të gjakut, të shkaktojë mpiksje dhe përfundimisht të çojë deri tek sulmi në zemër.

Dhe konsumimi i një avokadoje në ditë, ndihmon në balancimin dhe zvogëlimin e LDL-it në gjak.Konsumimi i avokados gjithashtu ndihmon në zvogëlimin e rrezikut nga kanceri.

Prandaj ekspertët shëndetësorë u këshillojnë ta përfshini avokadon në dietën tuaj ditore, duke e konsumuar atë në mëngjes dhe në formë sa më të shëndetshme.

Në mënyrë të veçantë, studiuesit zbuluan se avokadot mund të ndihmojnë në zvogëlimin e grimcave të oksiduara LDL, që është e rëndësishme pasi studiuesit thonë se oksidimi lidhet me disa sëmundje serioze siç është kanceri apo sulmi në zemër.