Avdullah Hoti: Fjalimi i sotëm i Albin Kurtit lëndoi bashkëpunimin mes LDK’së dhe Vetëvendosjes

I nominuari për kryeministër nga koalicioni LAA, Avdullah Hoti, ka folur për raportet e Lidhjes Demokratike me Lëvizjen Vetëvendosje pas akuzave të Albin Kurtit gjatë seancës së sotme.

Hoti ka krahasuar Vetëvendosjen me PDK’në, përkatësisht fjalimet e liderëve të tyre, Albin Kurti e Kadri Veseli i ka quajtur të papranueshme dhe të padobishme për qytetarët. Sipas tij, PDK e Vetëvendosje po dëshmojnë se nuk kanë dallime mes vete.

Deputeti Hoti ka komentuar raportet e LDK’së me vetëvendosjen duke thënë se nuk kanë afërsi mes tyre dhe se për t’u arritur ndonjë marrëveshje, duhet kalojnë nëpër një sërë pikash ku programet e tyre nuk përputhën.

E a e pranon LDK Albin Kurtin për kryeministër? Udhëheqësi i koalicionit LAA që doli i treti në zgjedhje thotë se një Qeveri e denjë do të duhej të udhëhiqej vetë nga Lidhja Demokratike, dhe jo nga Vetëvendosje e PAN.

Për distancim me VV’në, Hoti ka përmendur dhunën që ky subject ka përdorur gjatë mandatit ta kaluar të qeverisë Mustafa si dhe lëndët e dërguara në Prokurori kundër Isa Mustafës.

“Fjalimi i Kurtit sot ka lënduar bashkëpunimin mes LDK’së dhe VV’së. Akuzat të paqena dhe fyerja e individëve të LDK’së, ka thënë se janë thyerje mes raporteve të tyre”, ka përfunduar Hoti në InfoMagazine. /Express