Avdijaj refuzon rinovimin me Willemin, Juventusi dhe Arsenali po e kërkojnë me parametra zero

Donis Avdijaj është bërë subjekt i interesimit serioz nga klube të mëdha evropiane.

Reprezentuesi i Kosovës ka një kontratë në skadim me skuadrën holandeze Willem II e cila skadon në fund të sezonit.

Në qershor skadon kontrata e tij dhe Avdijaj ka refuzuar që të bisedojë për të rinovuar, gjithnjë sipas mediumit holandez Soccerneës.nl.

Planifikimi i sulmuesit që të largohet në qershor ka joshur tej mase dy prej klubeve më të mëdha evropiane.

Arsenali dhe Juventusi po e përcjellin me vëmendje situatën e Avdijajt dhe janë gati që ta transferojnë atë në parametra zero.

Sulmuesi 22 vjeçar i cili ju bashkua Willemit nga Schalke verën e kaluar për një kontratë 12 muajshe ka shkëlqyer edhe në fanellën e përfaqësueses së Kosovës.

Donis Avdijaj konsiderohet një prej talentëve më me perspektivë në futbollin evropian, qysh nga koha kur ai ishte pjesë e grupmoshave të kombëtares së Gjermanisë. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).