Avdijaj në finale të Kupës së Gjermanisë
RajoniPress
08:30, 20 Qershor, 2013
Sulmuesi kosovar me pasaportë zvicerane, Albion Avdijaj, ka kaluar në finale të Kupës së Gjermanisë për grupmoshat U19 me skuadrën e tij, Wolfsburg.
‘Ujqit’ kanë mposhtur në gjysmëfinale Schalke 04 me rezultat të thellë 4:0, ndërsa Albioni ka luajtur gjatë gjithë takimit duke u zëvendësuar vetëm në minutën e 90-të.
Në anën tjetër, te skuadra mysafire është paraqitur ‘Gerd Mulleri’ shqiptar, Donis Avdijaj.
Ky i fundit, edhe pse me 16 vjet, luajti me skuadrën U19 titullar, për t’u zëvendësuar në minutën e 60.
