Aurela Gaçe është përballur me një situatë të pakëndshme

Këngëtarja e njohur Aurela Gaçe është përballur me një situatë të pakëndshme, pasi imazhi i saj është shfrytëzuar, transmeton gazeta “Kosova Sot Online”.

“Jam 49 vjeç, por ende dukem sikur jam 25! Rrudhat janë zhdukur plotësisht me këtë mjet të thjeshtë shtëpiak. Mjafton ta aplikoni në fytyrë dhe…”. Kjo është reklama e një postimi në rrjetet sociale, shoqëruar me foton e Aurela Gaçes që thotë fjalët e lartpërmendura.

Këngëtarja është përdorur për publicitet të rremë ndaj një produkti dhe sigurisht ka ardhur një reagim nga ana e saj.

Artistja ka kërkuar që kushdo që sheh diçka të tillë, t’ia dërgojë sepse kushdo që është përgjegjës, do të përballet me gjykatën.