Atleti Abib Aliu ka nderuar Dëshmorët e Kombit

Gjilan – Atleti me prejardhje nga Vërbica e Zhegocit, i cili jeton dhe vepron në Gjermani, në mënyrë triumfale nga lapidari në Zhegoc gjerë tek Varrezat e Dëshmorëve ka vrapuar distancën 18km duke nderuar Dëshmorët e Kombit që dhanë jetën për liri të shtetit të Kosovës.

Fillimisht Aliu ka vendosur kurorë tek Lapidari në Zhegoc duke nderuar Dëshmorët e Kombit, poashtu atleti Aliu me të mbërritur tek varrezat e Dëshmorëve në Gjilan ka vendosur kurorë në shenjë nderimi për Dëshmorët e Kombit.

Në shenjë përkrahje për vrapimin e tij disa qytetar të Vërbicës dhe Zhegocit kishin dalur për ta përkrahur atletin Aliu, ndërsa disa qytetar të kësaj ana disa kilometra ju bashkuan në shenjë përkrahje në vrapimin e tij.

Atleti Aliu njeherit i cili mbron ngjyrat e Kombëtares së Gjermanisë për veteran i emocionuar është shprehur.
“Është nder dhe respekt të vraposh për Dëshmorët e Kombit, gjaku i tyre sot ka bërë që populli i Kosovës të jeton në liri, jam shumë i lumtur që këtë vrapim ua kushtoj Dëshmorëve, ky vrapim i imi është një vrapim simbolik për popullin e kësaj ane dhe për shtetin e Kosovës”.

Një nderim të posaçëm për atletin 65 vjeçar e kishte paraparë edhe Departamenti i Sportit së Komunës së Gjilanit, duke e nderuar me një mirënjohje nga ana e kryetarit të Gjilanit, Lutfi Haziri, të cilën mirënjohje e ka dorëzuar Përgjegjësi për Sport në Komunën e Gjilanit, Malzog Hoxha.

“Është respekt i madh për ne që një atlet në këtë moshë të nderon Dëshmorët e Kombit, është thënë gjithmonë se sporti është Ambasadori më i mirë i një vendi dhe këtë e dëshmoi atleti Aliu, për të cilin e falënderojmë për kontributin e tij dhe na bën krenar që Komuna jonë ka një sportist të tillë”.

Abib Aliu ka theksuar se është mirë që rinia të merret më tepër me sport e veçanërisht me atletik, pasiqë siç dihet atletika është Mbretëreshë e Sportit./rajonipress/