ATK diskriminon qytetarët

Petrit Bejdoni më kot është munduar shpeshherë ta lajmërojë “krimin ekonomik” në numrin pa pagesë të Administratës Tatimore të Kosovës, 0800 80 800. Por, thirrjeve të tij nuk i është përgjigjur asnjëherë ndokush nga ky institucion. Krejt kjo pasi operatori që përdor ATK-ja (Vala dhe Telekomi i Kosovës) nuk i pranon thirrjet e operatorit të telefonisë mobile (Ipko), të cilin e përdor Petriti.

“Jam munduar disa herë ta kontaktoj numrin 0800 80 800, duke dashur t’i lajmëroj rastet kur shitësit nuk kanë pranuar të më japin kuponin fiskal dhe kjo ka ndodhur disa herë, por nuk kemi mundur t’i marrim. Kam menduar që ndoshta numrin e kemi gabim”, tregon Bejdoni. Për të vërtetuar se po i binte numrit të saktë ai thotë se e ka konfirmuar në uebfaqen e ATK-së, në të cilën ka gjetur se denoncimet pa pagesë janë të lejueshme vetëm nga Vala dhe TK.

“… dhe kjo shihet që ATK-ja nuk është duke i shërbyer të gjithë qytetarëve”, thotë Bejdoni, i mllefosur. Sipas tij, është e palogjikshme që thirrjet të mos mund të bëhen edhe nga qytetarët që kanë operatorin mobil IPKO apo Z-Mobile… (Tribuna).