Atë çka nuk e bëjnë politikanët, Ramiz Krasniqi e bën në sport

Shumë skeptik të futbollit të Kosovës, janë befasuar me ftesën që e ka bërë përzgjedhësi Ramiz Krasniqi, futbollistit nga Graçanica, Ilija Iviç.

Përzgjedhësi Ramiz Krasniqi, ka bërë të ditur për ‘RajoniPress”, arsyen për ftesën e futbollistit nga Graçanica, Ilija Ivic.
“Futbollisti Ilija Iviç është qytetar i Republikës së Kosovës, dhe me talentin që ka e kam ftuar t`i mbroj ngjyrat e shtetit të Kosovës. Kemi të bëjmë më një futbollist 17 vjeçar, pozita e tij është qendërmbrojtës dhe ai ka shprehur dëshirën që ti mbroj ngjyrat e Kombëtares së Kosovës, futbollisti Ilija Ivic është pjesë e “kuqezinjëve” të Flamurtarit dhe shumë shpejt pritet të nënshkruan më skuadrën e Flamurtarit dhe kjo është në dobi të shtetit dhe futbollit”, ka bërë të ditur, Krasniqi.

Përzgjedhësi i Kombëtares U19, Ramiz Krasniqi, ka deklaruar së çka ka theksuar edhe prindi i Ilija Ivic, rreth ftesës që djali i tij të luaj për Kombëtaren e Kosovës.
“Kam biseduar me prindin e futbollistit, dhe ai ka qenë i lumtur me ftesën e dërguar, ai është shprehur se jam shumë i lumtur që djali im do të vesh fanellën e Kosovës, pasi ne jemi lindur dhe po jetojmë në Kosovë dhe nuk kemi asnjë problem me askënd, poashtu për mua është nder e respekt që djali im po arrinë që në grupmoshë të jetë si futbollist i Kosovës”.

Përzgjedhësi Krasniqi ka bërë të ditur që kësaj radhe futbollisti Ivic nuk ka mundur t`i bashkëngjitet në grumbullimin 2 ditorë Kombëtares së Kosovës U19, për arsye se futbollisti gjendet me skuadrën e Flamurtarit në përgatitje në Antalia të Turqisë./rajonipress/