Atdhe Nuhiu shënon në shtesë dhe ia siguron një pikë ekipit të tij ndaj Fulhamit

Sulmuesi i Përfaqësueses së Kosovës, Atdhe Nuhiu është treguar vendimtar tek skuadra e tij nga Championship, Sheffield Wednesday.

Sheffield Wednesday ka arritur të sigurojë një barazim të vonshëm 1-1 në shtëpi ndaj Fulhamit në ndeshjen e vlefshme për javën e tetë.

Nuhiu u tregua vendimtar duke shënuar gol nga afërsia në minutat shtesë dhe duke ia siguruar një pikë skuadrës së tij.

Vlen të theksohet se sulmuesi prishtinas u inkuadrua në ndeshje vetëm në minutën e 77-të të ndeshjes.
Ky ishte vetëm goli i parë i Nuhiut deri më tani këtë sezon me Sheffield Wednesday. /Telegrafi/