Atdhe Nuhiu ka vazhduar kontratën me Altachin, pas pensionimit do të jetë trajner i këtij klubi

Atdhe Nuhiu kishte kaluar te Altach nga APOEL Nicosia në verën e vitit 2021 dhe që atëherë ka pasur paraqitje shumë të mira që e kanë bindur klubin për të vazhduar kontratën e shtatlartit.

Në total, sulmuesi ka zhvilluar 80 ndeshje, ku ka shënuar 20 gola dhe ka dhënë 7 asistime në dy sezonet e fundit.

Nuhiu do të qëndrojë në SCR Altach deri në verën e vitit 2025 dhe më pas do të integrohet në stafin e trajnerëve.

Sulmuesi i ka nisur më parë procedurat për tu pajisur më licencat e trajnerit, që në kohën kur ishte në Angli dhe aktualisht ka licencën UEFA A.

Pas vazhdimit të kotnratës, ku së bashku me Nuhiun ishte edhe gruaja dhe djali i tij, ai ka thënë se aktualisht po mendon vetëm që të luajë, ndërsa falënderoi klubin që do t’ia mundësojë të jetë edhe trajner në të ardhmen.

“SCR Altach dhe fansat e tij më janë afruar shumë në zemrën time gjatë dy viteve e gjysmë të fundit, pavarësisht nga të gjitha uljet dhe ngritjet që kemi përjetuar së bashku”.

“E shoh si një vlerësim të madh që klubi po ma mundëson të filloj karrierën time si trajner pas karrierës sime aktive. Për mua, fokusi tani është tërësisht në rolin tim si lojtar, në të cilin dua të jap kontributin tim për të siguruar që ne të jemi të suksesshëm”, ka thënë Nuhiu. /Telegrafi/