Astrit Kryeziu sërish më i miri në Kamenicë

Gjilan – Atleti nga Rogana, Astrit Kryeziu, edhe për 2012-ën bartë epitetin e sportistit më të mirë në Kamenicë. Kjo u bë e ditur në një ceremoni të organizuar sot nga drejtoria e Kulturës, Rinisë dhe Sporteve.

Kryeziu është atlet i Klubit të Atletikës “Rogana” dhe bartë rekordet në 400, 800 dhe 1 mijë metra në nivel të Kosovës njofton radiopremiera.

Trajnerë të vitit janë zgjedhur, Enver Sermaxhaj dhe Rasim Rahimi, si dhe janë ndarë mirënjohje për dhjetëra sportistë që kanë dhënë kontribut për sportin kamenicas ndër vite.

Drejtori Faton Krasniqi, theksoi se Komuna i ka ndihmuar klubet sportive me aq sa ka patur mundësi, derisa i inkurajoj sportistët që të vazhdojnë rrugën drejt sukseseve të reja. Në këtë ceremoni, nuk morën pjesë asnjë nga zyrtarët e lartë të Komunës./rajonipress/