Astrit Haraqija: Me këtë ritëm LDK-ja s’mund t’i fitoj zgjedhjët

Astrit Haraqija, një prej themeluesve të Listës “Dr Ibrahim Rugova”, i ka bërë thirrje liderit të LDK’së se nëse nuk i ofron të gjitha grupet e interesit brenda LDK’së, Fatmir Sejdiun, Listën “Dr Ibrahim Rugova” dhe mërgatën, s’mund t’i fitoj zgjedhjet parlamentare.

“Me punën që po bën LDK’ja sot nuk jam i kënaqur. Kryetari i LDK’së, Isa Mustafa, duhet t’i ofroj të gjitha grupet e interesit nëse dëshiron t’i fitoj zgjedhjet. Kështu siç është sot LDK’ja nuk besoj se e ka ndërmend të fitoj zgjedhjet. Nuk po e shoh se Mustafa ka ofruar dikë deri tash. Jam duke menduar se mos ka bërë ndonjë marrëveshje me Hashim Thaçin për t’ia lënë edhe një mandat qeverisës”, ka thënë Haraqija për “Epokën e Re’.

Haraqija tha se Lista “Dr Ibrahim Rugova” në këto zgjedhje do të votoj për LDK’në, pasi sipas tij, janë pjesë e saj. Ai tha se po pret zgjedhjet e brendshme në LDK, për të marrë ndonjë pozitë në udhëheqje të partisë.