Asnjë investim në brezin kufitar, varreza të kafshëve dhe deponi bërllogu janë të vetmet “investime” të komunës

Gjilan – Qeverisja komunale nuk po ka as zotësi e as motiv me dal përtej shkallëve të komunës me përjashtim në ndonjë lagje a mëhallë të dostave të tyre të lidhur me krimin. Bilinica, Kokaj, Llovca, e Stublina janë fshatra që komuna s`ka investuar asnjë cent.

Një varrezë e kafshëve dhe shumë deponi bërllogu të ndodhura nëpër fshatrat kufitare janë i vetmi sihariq i komunës së Gjilanit.

Kokaj, Llovca, Bilinica dhe Stublina as që janë në hartën e qeverisjes komunale e cila është ngujuar në zyret e saja, pa pasur asnjë interesim për të dal përtej shkallëve të saj, me përjashtim ndonjë investim me pak metra që është kryer në shërbim të ndonjë lagje a mëhalle apo të dostave të tyre të lidhur me krimin.

Jusufi nga Kokaj thotë se kjo qeverisje do të mbahet mend vetëm për gënjeshtra e premtime sepse asnjë premtim se ka realizuar.

”Vërtet zhgënjyese dhe tejet e ulët e cinike është kjo qeverisje sepse asnjë interesim nuk e ka shprehur për zonat kufitare” shprehet ai.

Hajrizi nga Stublina thotë se komuna e Gjilanit asnjëherë s`ka dalur në teren dhe të shoh deponit e bërllogut që janë bërë në këtë fshat piktoresk.
“Varrezën e kafshëve e kemi kundërshtuar dhe do ta kundërshtojmë përherë sepse e ka shkatërruar natyrën e bukur që ka kjo zonë” shprehet ai./rajonipress/