Asllani falenderon Inter-in: Rrugëtimi ishte magjik

Edhe pse nuk gjeti vend në finale dhe pothuajse në të gjithë vitin u aktivizua “me pikatore” nga Inzaghi, për Asllanin sezoni që uli siparin në Stamboll ka qenë për të mos u harruar.

Në një postim në “Instagram”, measfushori shqiptar i Inter-it, Kristjan Asllani, ka falenderuar shokët e ekipit duke u dedikuar një postim.

“Një vit që më ka dhënë emocione që nuk do t’i harroj kurrë. Faleminderit të gjithëve që na shoqëruat në këtë rrugëtim të pabesueshëm. Krenar që jam një lojtar zikaltër. Faleminderit çuna”, thotë Asllani.