Asfaltohet rruga “Mehmet Demelezi”, vazhdohet me rrugë të tjera

Viti – Në fshatin Sllatinë të Poshtme të Komunës së Vitisë, sot kanë përfunduar punimet në asfaltimin e rrugës “Mehmet Demelezi” rrugë kjo e cila pos që lidhë banorët e lagjes Demelezi, Mjak dhe Frangu çon edhe në drejtim të varrezat e këtij fshati. Përndryshe po vazhdojnë punimet në asfaltimin e rrugëve rurale në lokalitetet e ndryshme të komunës së Vitisë.

Kryetari i Komunës së Vitisë, Sokol Haliti ka thënë se asfaltimi i kësaj rruge është bërë në afatin optimal dhe me standardet e kërkuara të projektit të paraparë. “Asfaltimi i rrugëve “Mehmet Demelezi”,”Gjlebina” rrugës që lidhë Sllatinën e Epërme me fshatin Pozheran pastaj i rrugëve “Muhabi Nuhiu”, “Saqip Hoxha” dhe “Azemi” është në vazhdën projekteve të asfaltimit të rrugëve rurale të komunës sonë, ku gjatë këtij viti kemi planifikuar të asfaltojmë 38 rrugë” u shpreh Kryetari Haliti.

Përndryshe banorët e këtij lokaliteti e kanë mirëpritur asfaltimin e këtyre rruge./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).