Asfaltohet rruga “Jakupi” në Vërban të Vitisë, vazhdon asfaltimi edhe i rrugëve të tjera

Viti – Kryetari i Komunës së Vitisë, Sokol Haliti ka inspektuar sot punimet që janë duke u zhvilluar në asfaltimin e rrugës së lagjes Jakupi në Vërban të Vitisë.

Me këtë rast ai është pritur nga banorët e këtij lokaliteti të cilët e falënderuan atë për punët që janë duke u bërë në rregullimin e infrastrukturës rrugore, konkretisht në asfaltimin e rrugëve në lagjet e këtij fshati.

Përndryshe gjatë këtij viti janë paraparë një varg projektesh në asfaltimin e rrugëve nëpër lokalitetet e ndryshme të komunës së Vitisë ku në fshatin Vërban janë paraparë asfaltimi i rrugëve: “Beqiri”, “Jakupi”, “Shavarinë” dhe “Pallëve”./rajonipress/