Asfaltohen disa rrugë lokale në Kamenicë

Gjilan – Këtyre ditëve ka vazhduar asfaltimi i disa rrugëve lokale në Kamenicë. Me financim të Ministrisë së Administrimit të Pushteti Lokal, ka filluar asfaltimi i rrugës qarkore, rregullimi i trotuarit përgjatë kësaj rruge, si dhe asfaltimi i dy rrugëve lokale në komunën e Kamenicës.

Kryetari i komunës së Kamenicës Shaip Surdulli, ka vizituar punimet nga afër të asfaltimit të këtyre rrugëve. Selami Pireva Menaxher në kompaninë “Magjistralja” ka thënë se gjatësia e rrugës qarkore është 1142 m, gjerësia mesatare është 5.5 m.

Ai tha se rruga lokale “ Selver Kryeziu”, ka gjatësinë prej 168 m, gjerësi prej 4.5-5m, kurse rruga tjetër tek Shtëpia e Kulturës, ka një gjatësi prej 158 m dhe gjerësia prej 3 m.

Pireva tha se i tërë projekti ka kushtuar mbi 100 mijë euro, kurse çmimi varion për shkak të punëve shtesë. Surdulli ndërkaq është shprehur i kënaqur me ecurin e punimeve dhe ka thënë se për çdo vit po ndërtohen rrugë të reja dhe po përmirësohet infrastruktura rrugore në qytet. “Projektet tona janë të kapshme dhe në interes të qytetarëve dhe kjo ka ndikuar që unë të bëjë vizita të shpeshta nëpër vend punime” tha Surdulli./rajonipress/