Asfaltimi i rrugës Muhoc – Zarbincë sjellë gëzim e shpresë për banorët

Bujanoc – Asfaltimi i rrugës Muhoc – Zarbincë ka filluar të realizohet në prani të shumë qytetarëve të kësaj ane, të cilët pas një pritje katër vjeçare po jetësojnë ëndrrën e tyre për të pasur një rrugë që mundëson kushte më të mira jetese për banorët e Malësisë së Bujanocit.

Gjatë fillimit të punimeve, mes falënderimesh dhe mirënjohjesh nga ana e banorëve u prit kryetari i komunës së Bujanocit Nagip Arifi me bashkëpunëtorët e tij nga pushteti lokal i Bujanocit, i cili theksoi se premtimin e dhënë gjatë fushatës zgjedhore po e realizoj brenda një periudhe një mujore të qeverisjes lokale.

Kujtojmë që rruga Muhoc – Zarbincë ka filluar më 4 shkurt 2016, dhe ka filluar të realizohet më 24 gusht 2020.

Punimet priten që të përfundojnë brenda 10 ditëve.
Kjo ditë u vlerësua si historike për qytetarët e Malësisë së Bujanocit, të cilët mes lotësh dhe ndjenje krenarie organizuan valle me motive kombëtare enkas për të shënuar këtë ditë.

https://www.facebook.com/bujanovac.rs/