Asambleja e Kamenicës aprovon tri projekte të rëndësishme

Kamenicë – Kryetari i Komunës Begzad Sinani foli për rëndësinë e këtyre projekteve, dhe dha arsyetimin të cilat janë të interesit të përgjithshëm, dhe ndikojnë në përmirësimin e infrastrukturës së komunës.

Seancën e jashtëzakonshme të Kuvendit komunal, e udhëhoqi kryesuesi Bajram Dërmaku. Në ketë seancë të pranishëm ishin edhe Kryetari i Komunës z.Begzad Sinani, drejtorët e drejtorive komunale, përfaqësues të OSBE-së, OJQ-të, dhe mediat lokale.

Në këtë seancë të jashtëzakonshme u shqyrtua pika e vetme e rendit të ditës, propozim-projekti Sh.06 Nr. 4411 dt:10.02.2015, për investime kapitale, të cilat realizohen bashkëpunim me IPA -në , dhe MAPL-në.

Në kuadër të këtij bashkëpunimi, komuna i ka propozuar këto tri projekt- propozime, siç janë: a) Asfaltimi i rrugëve lokale në Kopërnicë ( pjesa e dytë)
b) Punimi i parkut prapa banesave në Kamenicë
c) Rregullimi i shtratit të përroit të Rubocit në Kamenicë.

Kryetari i Komunës foli për rëndësinë e këtyre projekteve, dhe dha arsyetimin të cilat janë të interesit të përgjithshëm, dhe ndikojnë në përmirësimin e infrastrukturës së komunës.

Ndërkaq, sipas drejtorit të urbanizmit Ilir Kastrati, këto projekt propozime janë plotësisht në harmoni me planin zhvillimor urbanistik.

Disa këshilltarë komunal, patën vërejtje për mos sigurimin e materialit plotësues për këto propozim – projekte. Megjithatë, njëzëri i aprovuan këto propozim projekte, të cilat do t’i dërgohen MAPL-së./rajonipress/