Artistët nga diaspora promovojnë Kosovën
RajoniPress
00:21, 4 Gusht, 2013
Në kuadër të manifestimit tradicional “Ditët e Diasporës”, në Prishtinë është hapur “Art Liberalization Europe II-Dias, International Art Rezidence 2013”. Një aktivitet i tillë do të zgjasë deri më 4 gusht, ndërsa ka për qëllim promovimin e arritjeve të artistëve nga diaspora dhe promovimin e rrugës integruese të Kosovës për në BE.
Për katër ditë artistët do ta paraqesin artin individual, ndërkaq më 4 gusht, në orën 19:30, në modelariumin e Fakultetit të Arkitekturës do të kenë një ekspozitë të përbashkët.
Në këtë aktivitet po marrin pjesë shumë artistë nga diaspora, si nga Zvicra, Holanda, Suedia, Italia, Kanadaja, Greqia, Franca, etj.
