Art studio “Vincent”, artistja Blerta Hoti dijen e vet profesionale për artin vizual në përgjithësi e për pikturën në veçanti përveç që e shpërndanë tek nxënësit e saj në shkollat përkatëse ku punon, ajo mban dhe kurse të Artit Figurativ në studion e saj për kurse intensive gjegjësisht në lëmin e vizatimit, Pikturës, Grafikës, Punë dore etj.
Art Studio “Vincent” me udhëheqëse Prof.Ma e Pikturës Blerta Hoti, është me punë aktive gjatë tërë javës edhe atë në tre ndërrime. Art Studio “Vincent” gjendet në Lagjen e Mati 1 në Prishtinë.
Natyrisht vlen të ceket se numri i nxënësve sa vjen e rritet. Kjo do të thotë se fëmijët e grupmoshave të ndryshme dëshirojnë të thellojnë njohuritë e tyre jashtë shkollore edhe nga piktorja Blerta Hoti, e cila tash më nuk është emër i panjohur, pas mbarimit të studimeve Bachelor dhe atyre postdiplomike Master në Fakultetin e Akademisë së Arteve në Universitetin e Prishtinës “Hasan Prishtina“ Prishtinë, për një kohë relativisht të shkurtër ajo punën e saj kreative si piktore profesionale e ekspozoi jo vetëm në Kosovë, por edhe përtej saj si në shtetet perëndimore në Francë, Zvicër, madje edhe përtej Atlantikut në Amerikën e largët.
Art studio “Vincent” tani posedon dhe kurse te tjera edhe ne qytetin e Vitisë ku grupet e artit i udhëheq profesori grafisti dhe piktori Mervan Mustafa.
Në kuadër të kursit mbahen dhe shumë aktivitete të tjera si: vizita në Muze, Galeri në vend dhe jashtë vendit, ekspozita kolektive dhe personale nga nxënësit, koloni artistike etj./rajonipress/
