Artani, djaloshi i rekordeve

Artan Sadriji, tenisti 12 vjeçar me talent të rrallë është fitues i kupës “Suzuki-Grand-Prix” për kategorinë 12 dhe UR3/R/6.

Sadriji, që mbron ngjyrat e Klubit të Tenisit Spreitenbach, nga shtatori 2014 deri në prill 2015 ka shënuar disa rekorde: ka fituar 19 meçe me radhë ashtu si dhe ka dalë i pari në pesë turnire njërin pas tjetrit, shkruajanë gazetat e Aargaut, kantonit ku jeton ai. Kjo ka bërë që Artani, në mesin e prillit të vitit 2015 të shpallej si fitues absolut i kupës “Suzuki-Grand-Prix”, që është edhe ky një rekord.

Ndërsa rekordi i katërt i tij është fitorja e 8 turnireve dhe mbërritja deri në finale në 6 turnire tjera të tenisit në kategorinë e tij.

Se këto fitore dhe rekorde nuk janë të rastësishme, tregon edhe fakti se Artani ushtron me rregull, çdo ditë, nga e hëna deri të premten.

Muajt e ardhshëm ai do të qëndrojë sërish para sfidave të reja për të kaluar barrierat të cilat janë në një plan pesë vjeçar të zhvillimit të Artanit, të përpiluar nga trajneri i tij, ai vetë dhe prindërit, transmeton albinfo.ch. Shikuar nga rezultatet e deritashme, Artani është plotësisht në rrugë të mbarë për të përmbushur pritjet./albinfo/