Artana përfiton një shkollë të mesme

Gjilan – Presim me padurim që të përmirësohet moti dhe të fillojnë sa më shpejt punimet në mënyrë që shkolla e re të përfundojë sa më parë. Ndërtimi i shkollës ishte dëshira e shumë qytetarëve tanë, andaj jam shumë i lumtur që kemi pasur mundësinë që kërkesën e tyre ta bëjmë realitet, ka thënë Bajrush Ymeri nënkryetar i komunës.

Bajrush Ymeri së bashku me Christof Stock kanë përuruar fillimin e punimeve të një shkolle të mesme në fshatin Llabjan.

Ymeri ndihej i gëzuar që dëshira e tij pas shumë kërkesave po realizohet.”Kërkesa ime ka hasur në mirëkuptim dhe është përkrahur nga Komisioni Evropian dhe udhëheqësi i këtij misioni, Christof Stock, i cili në të kaluarën e kishte ndihmuar Artanën edhe në shumë projekte të tjera. Presim me padurim që të përmirësohet moti dhe të fillojnë sa më shpejt punimet në mënyrë që shkolla e re të përfundojë sa më parë. Ndërtimi i shkollës ishte dëshira e shumë qytetarëve tanë, andaj jam shumë i lumtur që kemi pasur mundësinë që kërkesën e tyre ta bëjmë realitet”, ka thënë Ymeri./rajonipress/