Artana ndanë mjete për raste të katastrofave

Gjilan – Komuna e Artanës në mbledhjen e fundit ka ndarë një buxhet prej 3.400 eurove për ndihëm me material ndërtimor në raste të katastrofave elementare.

Në mbledhjen e fundit të Kuvendit Komunal gjithashtu është marrë vendim për një vizitë pune jashtë shtetit në lidhje me hartimin e Kornizës Afatmesme Buxhetore 2017/2019.

Kuvendi ka aprovuar edhe rregulloren për taksa ngarkesa dhe gjoba si dhe ka bërë bartjen e të hyrave vetanake të vitit 2015 në vitin 2016 si dhe ka marrë vendim për shpalljen e ftesës publike për dhënie në shfrytëzim afat shkurtë pronën komunale në sipërfaqe prej 6 ha në zonën kadastrale në Koretishtë./rajonipress/