Artana harton planin e furnizimit me ujë të pijshëm

Gjilan – Drejtoria e Shërbimeve Publike Mbrojtje dhe Shpëtim së bashku me përfaqësuesit e USAID-it, Programit DEMI, janë në procesim të hartimit të planit për përmirësimin e furnizimit me ujë të pijshëm në territorin e Komunës së Novobërdës.

Drejtoria e Shërbimeve Publike, Mbrojtje dhe Shpëtim ka mbajtur një takim pune shumë të rëndësishëm në hartimin e planit për përmirësimin e furnizimit më ujë të pijshëm (SIAP) , me përkrahjen e projektit të USAID–it programit DEMI.

Në këtë takim të pranishëm ishin Drejtori Sami Vllasaliu dhe zyrtari për Shërbime Publike që përfaqësonin Komunën, ndërsa nga ana e projektit DEMI ishin zonja Laura Bahtiri dhe Agim Salihu.

Gjatë këtij takimi janë shtjelluar shumë informata që kanë të bëjnë me përmirësimin e furnizimit me ujë në territorin e Komunës së Novobërdës, gjegjësisht përmirësimi i shërbimit në sistemet ekzistuese si dhe ndërtimi i sistemeve të reja të furnizimit me ujë.

Pas përmbylljes së këtij takimi punues palët u pajtuan që ky draft duhet së pari të dërgohet në USAID-it tek projekti DEMI që të shqyrtohet e më pastaj duhet të kaloj nëpër strukturat tjera si tek Kryetari i Komunës e pastaj në Kuvendin Komunal për aprovim./rajonipress/