Artana e vendosur për ruajtjen e ambientit

Gjilan – Drejtoria e Inspeksionit pranë komunës së Artanës po tregohet e vendosur për të bërë parandalimin e hedhjes së mbeturinave inerte. Së fundit ajo ka marrë një aksion të përbashkët me Policin, duke patrulluar dhe ndaluar të gjithë transportuesit të cilët hudhin mbeturina inerte në territorin e kësaj komune.

Drejtoria për Inspeksion edhe njëherë ju bënë thirrje të gjithë qytetarëve, organeve gjegjëse, dhe policisë që të angazhohen dhe të japin kontributin e tyre në ruajtjen e Ambientit.

Artana ka ambiente të pasura dhe pisha ndër më të njohurat në Ballkan. Shumë qytetar e frekuentojnë këtë pasuri, derisa në fillim të majit gjatë organizimeve të ndryshme ambienti shpesh dëmtohet./rajonipress/