Artana diskuton planin zhvillimor komunal

Gjilan – Drejtorët e Drejtorive dhe Kryetari i Komunës së Artanës Bajrush Ymeri janë takuar për të diskutuar mbi hartimin e planit të punës së Drejtorive për periudhën 1 deri 3 vjeçar në kuadër të Planit Zhvillimor Komunal.

Në këtë takim mori pjesë edhe Kryetari i Komunës Bajrush Ymeri, përfaqësueset nga MMPH zonja Suzana Goranci dhe Vjollca Puka, Drejtorët e Drejtorive dhe Konsulenti jashtëm nga LOGOS-i, Ismajl Baftiari.

Gjatë këtij takimi është punuar për secilën drejtori Plani i Punës i Drejtorive për zbatim PZHK-së dhe PZHU-së ku këto plane pune do të shërbejnë për të rishikuar kornizën afatmesme buxhetore dhe për t’ju afruar donatorëve dhe investitorëve të mundshëm dhe për të ngritur transparencën e informimit dhe komunikimit me të gjitha palët e interesuara të shoqërisë civile, sektorit privat institucionet lokale, qeveritare dhe të tjera./rajonipress/