Artan Latifi nënshkruan kontratë të re me Dritën

Gjilan – Heroi i barazhit dhe kapiteni i Dritës Artan Latifi gjen gjuhë të përbashkët me krerët e klubit të Dritës edhe për dy vite të ardhshme duke e vazhduar kontratën me “bardh e kaltërtit” e Dritës.

“Jam i lumtur që do të jem pjesë edhe më tej e klubit dhe shpresoj se në të ardhmen do ta jap më të mirën për ngjyrat e klubit”, ka bërë të ditur për rajonipress gardiani i Dritës Latifi.

Drejtori i Dritës, Fisnik Kërqeli tha se skuadra e Dritës nuk do të jetë e rrezikuar si në këtë stinor ku u deshtë që fatin e saj ta gjejë në barazh, “Kemi filluar që t`i rinovojmë kontratat me disa futbollist të cilët i kemi brenda skuadrës, më pastaj do të kërkojmë se çka mundemi të bëjmë në tregun e futbollit të Kosovës”.

Kërqeli thekson se janë në bisedime me ish futbollistin dhe trajnerin e Dritës, Bekim Isufi. “Po është e vërtet që jemi duke biseduar, dhe shpresojmë se do të gjejmë gjuhë të përbashkët me Isufin për pak ditë do të qartësohet gjithçka”./rajonipress/