Arta shumë shpejt rikthehet me projekt të ri muzikor

Këngëtarja Arta Bajrami që nga koha kur është bërë nënë për herë të dytë, është shkëputur nga skena muzikore.

Angazhimet me familje i kanë pamundësuar asaj realizimin e këngëve të reja, duke bërë kështu që t’iu mungojë simpatizuesve të saj.

Mirëpo, gjithë ata që e duan muzikën që ajo bën së shpejti mund ta dëgjojnë këngën e re. Don Arbas vëllai dhe producenti i këngëtares është kontaktuar nga lajmi dhe ai ka zbuluar detaje rreth projektit të ri të Artës.

“Jemi në përgatitjen e këngës së re. Instrumentali është zgjedhur dhe tash pason periudha e tekstit. Mendojmë që këngën e Artës ta lansojmë në janar por akoma nuk kemi datë të saktë por mund të them se kënga është ritmike dhe do të finalizohet edhe me klip” janë fjalët e tij./Lajmi/