Arta Bajrami publikon albumin e ri “Dasma Shqiptare”

Këngëtarja e njohur shqiptare, Arta Bajrami, nuk po ndalet me punën rreth projekteve të reja muzikore.

Së fundmi, ajo ka nxjerrë në shitje albumin e saj më të ri me titull “Dasma Shqiptare”.

Ky album ngërthen në vete plot këngë popullore e folklorike, të kënduara nga vet Arta.

Incizimi i vokalit është bërë në studion e vëllait të saj, Don Arbas, gjersa për incizimin e instrumenteve është kujdesur Labi Mezini.

Ky i fundit është kujdesur edhe për orkestrimin, gjersa për miksimin dhe masterizimin po prapë Don Arbas.

Këngët anë publikuar edhe në kanalin YouTube nga produksioni XIMI.

Si çdo herë tjetër, edhe kësaj radhe këngëtarja Bajrami vjen mjaft tërheqëse me paraqitjen e saj, së cilës ia ka besuar “Atelie Sazgaf”.

Ndërkohë për flokët janë kujdesur “Abeauty Zone”, dhe për grimin Leunita Murtezi.

Arta siç ka treguar edhe më herët, ka thënë se këtë album ia dedikon babait të saj të ndjerë, Zejnullah Bajramit, i cili ishte këngëtar i njohur i muzikës rapsodike. /Telegrafi/