Arsyet pse duhet të hani fruta pylli

​Frutat e pyllit ose frutat me ngjyrë të kuqe, janë shumë të rëndësishme për tu konsumuar rregullisht, për shkak të vitaminave që përmbajnë.

Manaferra, boronica, rrushi i kuq, luleshtrydhet, etj., janë ideale për të ruajtur peshën trupore. Këto lloj frutash pakësojnë plakjen e qelizave dhe favorizojnë prodhimin e kolagjenit, si dhe ndihmojnë në oksigjenim dhe në qarkullimin më të mirë të gjakut.

Vitamina C është një nga vitaminat që përmbajnë këto fruta, të cilat mund të shoqërohen me kos ndërmjet vakteve, pasi furnizojnë organizmin me elementë të rëndësishëm, por krijojnë edhe ndjesinë e ngopjes. Një studim amerikan i Oregon State University, ka treguar se një koktejl me rrush të kuq dhe boronicë, mbron organizmin nga bakteret.