Arsim Thaqi: Erdha në Dritë me shumë vullnet, por ndikuan rrethanat për dorëheqjen time

/ 2 minuta lexim
Eco Higjiena

Gjilan – Trajneri Arsim Thaqi, pas barazimit kundër Dukagjinit, ka ofruar dorëheqje të parevokushme nga klubi i Dritës. Thaqi erdhi tek “bardhekaltërtit” e Dritës me shumë vullnet për të arritur rezultate pozitive, dhe i cili pati theksuar me ardhjen e tij se të vetmin objektiv e ka titullin e kampionit.

Trajneri Arsim Thaqi theksoi se disa gjëra nuk shkuan ashtu siç i parashikoj. “Arsyeja e dorëheqjes time është reflektimi i disa rrethanave të cilat u krijuan, edhe pse erdha me shumë vullnet tek Drita disa gjëra nuk shkuan ashtu siç e parashikova. Sezonin e rifilluam pa përforcime dhe me dy largime, që po del se ishin futbollistë cilësor që po japin kontribut të madh tek Ferizaj, poashtu lëndimi i Marko Simonovskit zgjati shumë pasi për ne ishte futbollisti kryesor në fazën e sulmit”.

RCCOLA

“Skuadra e Dritës ka pasur një trajner për 4 vite dhe nuk është e lehtë të adaptohesh për një stinorë, pa disa ndryshime është gjithmonë problem. Pastaj erdhi një situatë ku futbollistët nuk u përgjigjen si duhet sa i përket lojës e rezultatit nuk ishin ato pritshmërit që i prita unë”, theksoi për Rajoni Press, Thaqi.

Ish-trajneri i Dritës, Thaqi thekson se çdo klub është më i madh se çdo trajner apo individ. “Mënyra më e mirë për një trajner është për të reflektuar për hirë të korrektësisë dhe profesionalizmit, edhe pse në këtë rast unë e kam dëmtuar vetën por klubi është më i madh se individi. Skuadrës së Dritës i dëshiroj suksese, ndërsa dëshira ime e flakt është që “bardhekaltërtit” e Dritës të dalin kampion në Superligën e Kosovës”. Thaqi ishte prezantuar si trajner i Dritës me 4 janar 2023./rajonipress/