Arsim Thaqi: Drita synon të vazhdoj me ecuri pozitive

Kryetrajneri i FC Dritës, Arsim Thaqi, në konferencën për media para ndeshjës kundër Ferizaj, e cila zhvillohet nesër (e shtune), ka deklaruar se Drita synon të vazhdoj me rezultate pozitive.

“Kjo javë ka qenë e ngjeshur, por fatmirësisht gjanat kanë shkuar mire dhe shpresoj që nesër qytetin dhe tifozët t’i gëzojmë edhe me një fitore. DRITA është klub me pretendime të qarta dhe me këtë synim e nisim ndeshjen për të cilën kemi bërë të gjitha përgatitjet. Kemi marrë të gjitha masat kemi, kemi analizu kundërshtarin dhe shpresoj që futbollistët tanë të reflektojnë në ato gjëra që ne kemi stërvit për t’iu kundërvu Ferizajit. Ata kanë seri të mirë, por shpresoj që edhe ne të jemi në formë dhe t’i shfrytëzojmë defektet e tyre”, ka thënë Thaqi.

Rreth formës së klubit dhe përshtatshmërisë me filozofin e trajnerit, Thaqi theksoi se Drita ka nivel të lartë të lojtarëve me të cilët synon rezultate kulmore. “Ky grup i lojtarëve ka një sistem të punës dhe klubi Drita ka ruajt nivelin e vet, ka qenë një nga klubet më të organizuara dhe me shumë cilësi. Ky sistem i instaluar i punës sigurisht kërkon kohë për përshtatje me trajnerin e ri dhe kërkesat e tij 100%, por në këto dy ndeshjet e fundit janë munduar të kapin idenë që kërkoj unë. Ideja ime me Dritën është të shënojmë sa më shumë gola dhe nuk duhet të kënaqemi e stepemi vetëm më një gol. Kjo kërkesë vje për shkak të nivelit të lojtarëve në sulm, kemi komplet zonën e sulmit dhe reparte të tjera që mund të shënojnë çdo moment”, përfundoi Thaqi.

Ndeshja në mes Ferizaj dhe Dritës zhvillohet në Ferizaj duke filluar nga ora 13:00./rajonipress/