Arsim Bajrami: Debatet politike të VV-së në shkolla, të paligjshme

Ministri i Arsimit, Arsim Bajrami pas pyetjes së deputetes së PDK-së, Blerta Deliut lidhur me hapat që ka ndërmarr MAShT-i lidhur me debatet politike të organizuara në shkolla nga Lëvizja Vetëvendosje, ka thënë se MAShT-i ka shprehur edhe dje shqetësimin për këtë çështje.

“Kemi bërë apel të gjitha komunave dhe parive politike që të shmangin cilindo aktivitet që cenojnë ligjin për arsimin dhe integritetin e fëmijëve. Nga sot kemi aktivizuar inspektorët e arsimit që të takohen me drejtorët e shkollave që të mos lejojnë mbajtjen e këtyre aktiviteteve të paligjshme”, ka thënë Bajrami.