Arsenali tregon interesim për Xhakën

Prishtinë – Skuadra e madhe angleze Arsenal është duke u interesuar për të siguruar shërbimet e mesfushorit kosovar të Borussia Moenchengladbachut, Granit Xhaka. Lajmin për interesimin e Arsenalit e kanë bërë të ditur mediume të shumta angleze.

“Arsenal mund të rikthejë interesimin për Granit Xhakën në afatin kalimtar të janarit”, ka shkruar gazeta “Metro”.

Xhaka 20-vjeçar në verë u transferua nga Baseli te Borussia Moenchengladbachu për një shumë prej 8.5 milionë eurosh. Ai menjëherë u bë lojtar titullar te Gladbachu, por në ndeshjet e fundit trajneri i skuadrës gjermane Lucien Favre ka vendosur që të lërë në bankë kosovarin. Xhaka ka shprehur hapur pakënaqësinë me këtë, duke thënë se nuk është transferuar te Gladbachu për të qëndruar në bankën rezervë. Nuk ka qenë kjo hera e parë që Xhaka kishte inatosur krerët e klubit me deklaratat e tij në media. Ai më herët kishte vënë në pyetje mentalitetin e klubit.

Arsenali po synon të shfrytëzojë këtë në favor të vetin e të transferojë Xhakën.(koha)