Legjenda e Arsenalit, Kevin Campbell, ka folur për mundësinë e transferimit të Granit Xhakës te Roma.
Ai ka këshilluar klubin që të insistojë në kërkesat e saj, pasi Roma është e dëshpëruar për ta blerë mesfushorin shqiptar dhe me kohë, sipas tij, Arsenali mund të nxjerrë më shumë nga shitja e Xhakës.
“Marrëveshja ende nuk është arritur. Arsenali është në një pozitë fantastike për Xhakën. Roma është e dëshpëruar për ta blerë por e duan lojtarin sa më lirë. Arsenali ka caktuar cmimin dhe duket se s’do të jetë e lehtë. Tani është lojë si në poker, të shohim nëse do të gjendet zgjidhja për cmimin. Në fund të fundit, Arsenali nuk e ka me nxitim shitjen e Xhakës. Xhaka është në pushime dhe jam i bindur që ai do që marrëveshja të arrihet sa më parë”, u shpreh legjenda e Topcinjve. /Gazeta Express/
