Uji Dea

Arsenali e trefishon epërsinë ndaj Chelseat – Granit Xhaka i pandalshëm

/ 1 minutë lexim
KKVITI

Arsenali ka shënuar edhe dy gola të tjerë ndaj Chelseat brenda tre minutash në duelin që po luhet në kuadër të javës së 34-të në Ligën Premier, për rezultatin 3-0.

Derisa goli i parë u shënua në minutën e 18-të mes një bashkëpunimi mes Granit Xhakës dhe Martin Odegaardm, dyshja kanë bashkëpunuar sërish.

Mesfushori shqiptar me pasaportë zvicerane asistoi te norvegjezi në minutën e 31-të, që realizoi për 2-0.

Hidromorava

Kaluan vetëm tre minuta nga goli i dytë, dhe vendasit shënuan edhe të tretin, tani përmes Gabriel Jesusit.

Duket se Arsenali tashmë ka arkëtuar tri pikë edhe pse është vetëm pjesa e parë, pasi Chelsea nuk po arrin ta rrezikojë seriozisht Topçinjtë. /Telegrafi/