Arrestohet vozitësi, goditi me veturë këmbësorin për vdekje

Kamenicë – Në rrugën “Adem Jashari” në Kamenicë është arrestuar i dyshuari mashkull kosovar i cili derisa kishte qenë duke e drejtuar veturën me targa vendore, duke mos e përshtatë shpejtësinë e lëvizjes, me kushtet e rrugës kishte goditë këmbësorin, viktimën mashkull kosovar i cili në atë moment kishte qenë duke e kaluar rrugën.

Si pasojë e goditjes me veturë viktima në vendin e ngjarjes ka ndërruar jetë vdekjen, këtë e ka konstatuar mjeku. Përveç njësive policore në vendin e ngjarjes ka dalë prokurori me urdhrin e të cilit trupi i pajetë i viktimës është dërguar në IML për obduksion, kurse i dyshuari me vendim është dërguar në mbajtje për 48 orë njoftoi policia e Kosovës./rajonipress/