Arrestohet “Tony Montana” shqiptar

Policia italiane bën të ditur se ka arrestuar shqiptarin Fatjon Grapcaj, i cili njihet ndryshe si “Tony Montana”.

Mësohet se shqiptari udhëhiqte një bandë të trafikut të heroinës në qytetin e San Remos. Mediat italiane bëjnë me dije se, banda merrej me shpërndarje në shkallë të gjerë të heroinës dhe kanabisit në zonën e San Remos dhe në tërë Rivierën.

Grapcaj njihej nga të gjithë me pseudonimin “Tony”, si personazhi mafioz i filmit të famshëm të Hollivudit “Njeriu me shenjë”.

Sipas policisë, Grapcaj ka qenë disa herë objektiv i atentateve nga konkurrentët po shqiptarë në biznesin e drogës.Atentati i fundit kundër tij u ndërmor në rrugën “I Martiri di San Remo” të mërkurën, më 18 qershor.

Tashmë Grapcaj gjendet i arrestuar në burgun e Imperias. /shekulli/